រឿងរ៉ាវពីអង្គរវត្ដដែលអ្នកត្រូវដឹង

លិន ស្រីអន

បើនិយាយពីប្រទេសកម្ពុជា គេច្បាស់ជានឹកដល់ប្រាសាទអង្គរវត្ដជាមិនខាន។ គេច្បាស់ជាមិនអាចបំភ្លេចបានឡើយពីទិដ្ឋភាព និងសម្រស់ដ៏ស្រស់ឆើតឆាយនៃប្រាសាទមួយនេះ។ តែនៅមានរឿងរ៉ាវមួយចំនួនដែលគួរឱ្យចាប់អារម្មណ៍ និងអាចទាក់ទាញចិត្ដអ្នកឱ្យកាន់តែចូលចិត្ដ និងស្រឡាញ់វាកាន់តែខ្លាំង។ ខាងក្រោមនេះខ្ញុំសូមរៀបរាប់ចំណុចខ្លះៗបន្ថែមពីអ្វីដែលអ្នកឃើញ ពីរូបភាពខាងក្រៅរបស់ប្រាសាទអង្គរវត្ត។

១.ជាទីបូជនីយដ្ឋានខាងសាសនាធំជាងគេបំផុតលើពិភពលោក

©sam garza/2006/CC BY 2.0

យោងតាមកំណត់ត្រាហ្គីនណេសពិភពលោក (Guinness World Record) ប្រាសាទអង្គរវត្ដត្រូវបានចាត់ទុកជាទីបូជនីយដ្ឋានខាងសាសនាធំជាងគេបំផុតក្នុងពិភពលោកបើប្រៀបធៀបនឹងប្រាសាទបុរាណជាច្រើនទៀតនៃប្រទេសផ្សេងៗ។ វាលាតសន្ធឹងលើផ្ទៃដី២៤,៨ គ.ម. ជាមួយនឹងផ្ទៃក្រឡា ១.៦២៦.០០០ ម៉ែត្រការេ។ ប្រាសាទអង្គរវត្តត្រូវបានរកឃើញឡើងវិញ​ដោយ ធម្មជាតិវិទូបារាំងលោក អង់ហ្រ៊ី មូហ៊ត (Henri Mouhot) នៅឆ្នាំ១៨៦០។

២. ការបង្ហាញខ្លួនលើទង់ជាតិ

©wisegie/2011

រូបប្រាសាទអង្គរវត្ដដែលស្ថិតនៅចំកណ្ដាលនៃទង់ជាតិប្រទេសកម្ពុជាត្រូវបានបង្ហាញរូបរាងក្នុងឆ្នាំ១៨៥០ ប្រហែលជាក្នុងអំឡុងពេលដែលកម្ពុជាស្ថិតក្រោមសម័យអាណាព្យាបាលបារាំង។

៣. ជាសម្បត្ដិបេតិកភណ្ឌពិភពលោក

©Ed Merritt/2012

ប្រាសាទអង្គរវត្តត្រូវបានបញ្ចូលទៅ​ក្នុងបញ្ជីបេតិកភណ្ឌពិភពលោករបស់អង្គការយូណេស្កូ (UNESCO) នៅឆ្នាំ១៩៩២។

៤. បុព្វហេតុសាសនា

© tengo gusto de sueños/2005 /Some rights reserved

ប្រាសាទអង្គរវត្ដសាងសង់ក្នុងរាជ្យកាលព្រះបាទសូរ្យវរ្ម័នទី២ ក្នុងគោលបំណងឧទ្ទិសដល់សាសនាហិណ្ឌូគណៈព្រះវិស្ណុ ក្រោយមកដោយសារការផ្លាស់ប្ដូរសាសនាក្នុងសម័យព្រះរាជាក្រោយៗ ទើបប្រាសាទ​មួយនេះមានលក្ខណៈពុទ្ធសាសនាវិញ។

៥. លក្ខណៈពិសេសខុសពីប្រាសាទនានា

© Steve Jurvetson/2007 CC BY 2.0

ចំណុចដែលធ្វើឱ្យប្រាសាទមួយនេះកាន់តែគួរឱ្យចាប់អារម្មណ៍នោះគឺ ការបែរមុខទៅរកទិសខាងលិច ខុសពីប្រាសាទនានាដែលបែរមុខទៅទិសខាងកើត។ ការបែរទៅទិសខាងលិចនេះដោយយោងតាមមូលហេតុដូចជា៖ វាជាផ្នូររបស់ព្រះបាទសូរ្យវរ្ម័នទី២ និងការគោរពបូជាព្រះវិស្ណុជាដើម។

៦. អង្គររុងរឿងពេលដែលអឺរ៉ុបកំពុងដុនដាប

ក្នុងអំឡុងចន្លោះសតវត្សទី៩ និងទី១០ជាពេលដែលអឺរ៉ុបកំពុងធ្លាក់ចុះដុនដាបក្នុងយុគងងឹត តែប្រទេសក្នុងតំបន់អាស៊ីអាគ្នេយ៍វិញ ជាពិសេសប្រទេសកម្ពុជា​កំពុងស្ថិតក្នុងភាពរុងរឿងខ្លាំង នោះគឺសម័យអាណាចក្រខ្មែរ។

©Javier Fernandez-Vina/2011/CC0

ទស្សន:ដែលបញ្ចេញនៅក្នុងអត្ថបទប្លុកនេះ⁣ ជារបស់អ្នកសរសេរ ហើយមិនបង្ហាញរឺឆ្លុះបញ្ចាំងទស្សន:របស់ UNICEF ឡើយ។

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s