ដំណើរឆ្ពោះទៅកំពូលភ្នំ

ដោយ សូ សុឃីម

រូបភាពផ្តល់ដោយ សូ សុខឃីម

ជាទូទៅ មនុស្សម្នាក់ៗរមែងមានក្ដីស្រមៃដើម្បីឡើងទៅទីកំពូលដែលខ្ពស់បំផុត ក៏ប៉ុន្តែមានតែមនុស្ស​មួយ​ចំនួនតូចប៉ុណ្ណោះ ដែលបានសម្រេចក្ដីស្រមៃនោះ។ ដូចនេះដើម្បីដឹងអំពីមនុស្សដែលបាន សម្រេចនូវក្ដីស្រមៃ​នេះ ខ្ញុំសូមណែនាំបុគ្គលម្នាក់ដើម្បីឲ្យអ្នកទាំងអស់គ្នាបានស្គាល់។ គាត់ជាមនុស្ស ម្នាក់ក្នុងចំណោមមនុស្សដទៃ​ទៀត ដែលបានទទួលនូវភាពជោគជ័យសម្រាប់ដំណើរដ៏មហិមានេះ។ តើគាត់មានវិធីសាស្ត្រអ្វីក្នុងការ​ឈោង​ចាប់​ក្ដីស្រមៃក្នុងជីវិតគាត់? តើអ្វីខ្លះជាឧបសគ្គសម្រាប់ដំណើរនេះ?

លោក ស្រុត ស្រ៊ាន់ គឺជាកូនដែលកើតនៅក្នុងគ្រួសារក្រីក្រ ដែលមានឪពុក ម្ដាយជាកសិករ។ លោកមានបងប្អូន១៤នាក់ ដោយលោកគឺជាកូនទី១។ បើទោះបីជាលោកកើតក្នុងគ្រួសារក្រីក្រ លោកបានខិតខំប្រឹង​ប្រែងរៀនសូត្រយ៉ាងខ្លាំង រហូតទទួលបាននូវលទ្ធផលល្អ (ជាប់ចំណាត់ថ្នាក់លេខ ១) ជារៀងរាល់ខែ​។ បើនិយាយពីលទ្ធផលនៃការសិក្សាវិញ គឺលោកតែងតែស្ថិតនៅក្នុងតារាងកិត្តិយស​ជានិច្ច។ ក្នុងអំឡុងពេលនៃការសិក្សា លោកបានជួបប្រទះនឹងស្ថានភាព លំបាកដូចជាខ្វះសម្លៀកបំពាក់ ដោយ​គាត់មានត្រឹមតែខោអាវមួយកំភ្លេ ហើយទៅរៀនទៀតសោត គឺដោយថ្មើរជើង។ មិនត្រឹមតែប៉ុណ្ណោះ សាលារៀន​គឺនៅឆ្ងាយពីផ្ទះរបស់គាត់។ ចំពោះស្ថានភាពនៃការសិក្សាវិញ ក្នុងនាមជាកូនអ្នកក្រគឺទទួលបានការមើលងាយពីសំណាក់មនុស្សនៅជុំវិញខ្លួន។​ តែទោះជាយ៉ាងណាក៏ដោយ លោកបានប្រើការមើលងាយទំាងអស់នោះអោយទៅជាការខិតខំសិក្សា រៀនសូត្ររហូតបានក្លាយជាសិស្សពូកែផ្នែកគណិតវិទ្យា និងរូបវិទ្យា។ លើសពីនេះ​ទៅទៀត នៅពេលដែលលោកប្រឡងជាប់ទី១២ លោកទទួលបានអាហារូបករណ៍ដល់ទៅ ៣ មហាវិទ្យាល័យ។ លោកទទួលបានបរិញ្ញាបត្ររងនៅសកលវិទ្យាល័យជាតិគ្រប់គ្រង បរិញ្ញាបត្រនៅសកលវិទ្យាល័យជាតិកម្ពុជា​ និង​អនុបណ្ឌិតផ្នែកផ្នែកគ្រប់គ្រងពាណិជ្ជកម្មនៅសកលវិទ្យាល័យជាតិកម្ពុជា។ អំឡុងពេលសិក្សាថ្នាក់​មហា​វិទ្យាល័យ លោកជួបប្រទះនូវបញ្ហាជាច្រើនដូចជា ទីកន្លែងស្នាក់នៅ ការខ្វះខាតស្បៀងអាហារ ដោយពេលខ្លះ គាត់​បរិភោគមីកញ្ចប់ពេលមួយខែ។ ម៉្យាងវិញទៀត សម្រាប់ការស្នាក់នៅតាមចិញ្ចើមថ្នល់ និងចេតិយ បណ្ដាលឲ្យ​គាត់កើតកន្ទួលរមាស់លើស្បែក ដោយសារតែមូសខាំ។ តែជាសំណាងល្អ សុខភាពរបស់គាត់មិនសូវជាទ្រុឌទ្រោម​ប៉ុន្មានឡើយ។

ជីវិតរបស់លោកបានឆ្លងកាត់នូវឧបសគ្គជាច្រើនរាប់មិនអស់ តែដោយសារការខិតខំប្រឹងជំនះ ដោយមិនរាថយ ទើបធ្វើឲ្យលោកទទួលបាននូវភាពជោគជ័យសម្រាប់ជីវិត ដូចជាសព្វថ្ងៃនេះ។ បច្ចុប្បន្ន លោកគឺជាទីប្រឹក្សារបស់អង្គការសហ​ប្រជា​ជាតិ One World UK និងស្ថាប័នអន្តរជាតិជាច្រើនទៀត។ លើសពីនេះ លោកបានធ្វើដំណើរជាច្រើនប្រទេសជុំវិញពិភពលោក ទៅកាន់កម្មវិធីផ្សេងៗ ដើម្បីបង្កើនចំណេះដឹងបន្ថែម ដោយមិនអស់ថវិកាផ្ទាល់ខ្លួនទៀតផង។ ទាំងនេះគឺជាដំណើរដ៏ជោគជ័យ និងជាគំរូរបស់គាត់​សម្រាប់យើងទាំងអស់គ្នារៀនតាម។

ទស្សន:ដែលបញ្ចេញនៅក្នុងអត្ថបទប្លុកនេះ⁣ ជារបស់អ្នកសរសេរ ហើយមិនបង្ហាញរឺឆ្លុះបញ្ចាំងទស្សន:របស់ UNICEF ឡើយ។

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s