កំពូលមេដឹកនាំអហិង្សា

ដោយ៖ សៀង វន្ថា

Source: Teja/2015

មនុស្សគ្រប់រូបមានទម្លាប់ និងវិធីក្នុងការសិក្សាស្វែងយល់ផ្សេងៗគ្នា រួមមានតាមរយៈការអាន ស្ដាប់ មើល ឬក៏តាមការពិភាក្សាជាដើម។ មនុស្សគ្រប់គ្នាគួរតែសិក្សាស្វែងយល់ពីវិធីដែលខ្លួនឯងចូលចិត្ត ដែលអនុញ្ញាតឲ្យ​ខ្លួន​ឯងទទួលបានចំណេះដឹងពីវិធីនោះជាអតិបរមា។ វិធីមួយក្នុងចំណោមនោះ គឺការ​អាន។ ទន្ទឹមនឹងនេះ កម្មវត្ថុនៃការអានក៏ជារឿងមួយសំខាន់ ជាពិសេសគឺថាតើសៀវភៅប្រភេទណាដែល​ជា​ចំណង់​ចំណូលចិត្តរបស់ខ្លួន និងផ្ដល់អត្ថប្រយោជន៍ ដល់ខ្លួន។ មួយក្នុងចំណោមសៀវភៅជាច្រើនដែលខ្ញុំបានអាន ហើយអានជាច្រើនលើកច្រើននោះគឹ សៀវភៅដែលមានចំណងជើងថា “កំពូលមេដឹកនាំពិភពលោក”។ សៀវភៅនេះ​បង្កប់ទៅដោយអត្ថន័យ និងការអប់រំយ៉ាងច្រើនដែលវាបានផ្លាស់ប្ដូរគំនិត និងជីវិតរបស់ខ្ញុំ។

សកម្មភាពនៃការផ្លាស់ប្ដូរ ការផ្ដួលរលំ ឬក៏ការងើបឡើងវិញ​នៃប្រទេសមួយដែលដឹកនាំដោយ មេដឹកនាំ ល្បីៗ​បាន​​​បង្ហាញ​យើង​ពីព្រឹត្តិ​ការណ៍​សំខាន់ៗ និងបន្សល់ទុកជាមេរៀន និងបទពិសោធន៍ ដូចសព្វថ្ងៃនេះ។ ក្នុង​ចំណោមមេដឹកនាំល្បីៗទាំងនោះ មានខ្លះជាកំពូលមនុស្សអាក្រក់ដែលគេប្រដូចទៅ នឹងបិសាច ហើយខ្លះទៀត​ជា​តំណាងឲ្យសេចក្ដីល្អដែលគេប្រដូចទៅនឹងព្រះ។ ការសិក្សាពីមនុស្សអាក្រក់ គឺដើម្បីឲ្យយើងយល់ដឹង​ទៅថ្ងៃក្រោយថាតើមេដឹកនាំណាម្នាក់ល្អឬអាក្រក់ ដូច្នេះយើងអាច ទប់ស្ដាត់មិនឲ្យមនុស្សរបៀបនេះបង្ក​មហន្ត​រាយជាថ្មី។ ការសិក្សាពីមនុស្សល្អនឹងបានជាមេរៀនដ៏អស្ចារ្យ សម្រាប់ការរស់នៅប្រចាំថ្ងៃរបស់យើង។

មេដឹកនាំអហិង្សាដែលគោរពប្រតិបត្តិតាមវិន័យសាសនាយ៉ាងខ្ជាប់ខ្ជួនម្នាក់បាននិយាយថា «ខ្ញុំចាត់ទុក​ខ្លួនឯង​​ជា​ជនជាតិហិណ្ឌូ គ្រិស្តសាសនិកជន អ៊ីស្លាម ជ្វីហ្វ ពុទ្ធិសាសនិក និងខុងជឺ» នោះគឺ មហាត្មៈ គន្ធី។ តាំងពី​យុវជនមកម្ល៉េះ គន្ធីតែងតែទទួចសួរខ្លួនឯងជារឿយៗថា «តើខ្ញុំជានរណា? តើនឹងមានហេតុការណ៍អ្វីកើតឡើង​ចំពោះ​រូបខ្ញុំ? តើជីវិតគឺជាអ្វី?» ។​ គន្ធីបានបញ្ចប់ការសិក្សានៅ មហាវិទ្យាល័យច្បាប់នៅទីក្រុងឡុងដ៍ ប្រទេសអង់គ្លេស។ ក្រោយពីបរាជ័យក្នុងអាជីពជាមេធាវីនៅប្រទេសឥណ្ឌា គាត់បានធ្វើដំណើរទៅអាហ្រ្វិកខាងត្បូងដោយសង្ឃឹមថា​ជីវិត​នឹងមានភាពប្រសើរឡើង។​ ប៉ុន្តែវា បែរជាខុសពីការគិតរបស់គាត់ ព្រោះនៅទីនោះគាត់បានជួបនូវរឿងជាច្រើនដែល​បាន​ផ្លាស់​ប្ដូរ​ជីវិត ​​របស់គាត់។

ក្នុងពេលអង្គុយនៅកៅអីថ្នាក់លេខមួយក្នុងទូរថភ្លើងមួយ លោកត្រូវបានគេស្នើអោយក្រោក ចេញទៅ​អង្គុយ​កៅអីថ្នាក់លេខបីជាមួយនឹងជនជាតិឥណ្ឌាស្បែកខ្មៅឯទៀតៗ។ នៅពេលដែលគាត់ពុំ ព្រមក្រោកចេញពីកៅអី​ដែលគាត់បានទិញសំបុត្ររួចហើយ គន្ធីបានត្រូវគេទម្លាក់ចេញពីរថភ្លើងជាមួយ នឹងកញ្ចប់អីវ៉ាន់របស់គាត់ ដោយ​ទុកអោយគាត់រងាញ័រក្នុងបន្ទប់រងចាំអស់ពេញមួយយប់។

ក្រោយបន្តិចមកទៀត នៅពេលដែលគាត់ពុំព្រមបោះបង់កន្លែងអង្គុយនៅលើរទេះសេះទៅ អោយអ្នកដំណើរ​ស្បែរសម្នាក់នោះ អ្នកបើកបររទេះសេះបានវាយគាត់យ៉ាងដំណំ។ បទពិសោធន៍របស់ លោកនៅអាហ្វ្រិកខាងត្បួង បាននំាអោយគន្ធីបេ្ដជ្ញាលះបង់ខ្លួនឯងទំាងស្រុងដើម្បីការតស៊ូសម្រាប់ យុត្តិធម៍សង្គម។ ការតស៊ូនេះឯង ដែលជាចម្លើយដ៏ពិតប្រាកដមួយចំពោះសំនួរដែលគាត់តែងតែ សួរខ្លួនឯងកាលនៅជាយុវជនមកម្ល៉េះ។

ជាមេរៀនដែលយើងអាចសិក្សាបាន គឺគន្ធីជាមេដឹកនំាអហិង្សាតែម្នាក់គត់ក្នុងការតស៊ូ ប្រកបដោយ ជោគជ័យ​របស់​ឥណ្ឌា​ ដើម្បី​ទទួលបានឯករាជ្យ​ភាពពីការគ្រប់គ្រងរបស់អង់គ្លេស។ មិនដូចមេដឹកនាំសាសនា​ភាគច្រើន គន្ធីពុំបាន​ចំណាយ​ពេល​វេលា​ក្នុងជីវិត​របស់គាត់គ្រាន់តែសូត្រធម៍ ក្នុងព្រះវិហាប៉ុណ្ណោះទេ។ ផ្ទុយទៅវិញ​លោកខិតខំធ្វើការទំាងក្នុងរដ្ឋាភិបាល និង​នយោបាយដើម្បីឲ្យពិភពលោកកាន់តែក្លាយជាកន្លែង​ល្អប្រសើរ​សម្រាប់​​មនុស្សគ្រប់វណ្ណៈ និងគ្រប់គ្នា។ ដោយ​​គិតពីប្រយោជន៍ជាតិជាធំ គន្ធីបានលះបង់គ្រប់យ៉ាងដោយមិនគិតពី​ប្រយោជន៍ខ្លួននោះឡើយ។ លោក​បាន​លើក​ឡើងថា «វាពិតជាអាចទៅរួចដែលមនុស្សម្នាក់ប្រឆាំងនឹងអំណាចដ៏មិន​ត្រឹមត្រូវ​ដើម្បី​សង្គ្រោះ កិត្តិយស​របស់ខ្លួន សាសនារបស់ខ្លួន ព្រលឹងរបស់ខ្លួន ហើយបង្កើតមូលដ្ឋានសម្រាប់ការ​ផ្ដួលរំលំ ឬការបង្កើតនូវទំព័រប្រវត្តិសាស្ត្រថ្មី»។

ទស្សន:ដែលបញ្ចេញនៅក្នុងអត្ថបទប្លុកនេះ⁣ ជារបស់អ្នកសរសេរ ហើយមិនបង្ហាញរឺឆ្លុះបញ្ចាំងទស្សន:របស់ UNICEF ឡើយ។

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s